一听音乐网

Cool Planet

日出开始计起直到晚黑至停

大自然嘅定律竟系由边个设定

分唔清出咗问题又有边个会认

搞唔明就唔出好乱咁将它变形

自称一级史前高等智慧嘅生物

你凭啲乜喺度又起又折又乜又物

铲凈七七八八够皮先至学人搅美化

整个人工森林出嚟顶数就当系ｃｏｖｅｒ

你见热咩？咪走去开尽的冷气

你见冻啊？咪走去剥嗮牠层皮

几千年嚟人类当自己喺度揸嗮棋

又食又伶搅个大镬到底我哋够皮未

冰川溶化 你又话无敢快呱

火山爆发 佢又话你无嘢尾哗

讲衬所有问题大家好似乜都唔怕

继续喧哗嘈喧巴闭继续掗掗拃拃

全球上齐合唱大报复正藴酿

群众升温再加场（群众声音最响亮）

随便你随便我让冷漠遮掩痛处

（让我们一起冷漠）

不想太惊噩 只想要欢乐

四周闷热到死个人无哩神气

点解呢度的烟霾可以由个年头

烟到落个年尾喺得呢度生活

就要预开无咁完美一早惯嗮

乜都有嗮心里准备重复又重复

忘记又忘记呢度所有人都好似

个个中嗮失忆症乜都记得

但系就凈系识得一尾破坏

真系枉费呢个世界白白养到你咁大天

跌落嚟当被冚椰树冧落嚟当榄枕

早响白九几年前迷经已知道我哋呢个

地球环境生态终有一日梗会搅成咁

唔好做好好似无你份点会无你份

你见唔见班企鹅喺度嗌肚饿

你又见唔见座火山就快要喷火

你见唔见的海水就快要上岸

你又见唔见到自己有份咕喎

由它死由它死由它夷为平地

由粒太阳由个天空跌落嚟

由得我哋欢喜个个自己顾自己

几时开始出现问题又有边个理

享誉全球穿咗窿嘅大气候

一级警报钟声继续响遍全球

但系又无作用大众又无咁嘅念头

到咗灾难发生至谂点样承受

到底我哋企喺一个乜嘢时候

仲要相信末日仲有好耐以后

自己顾掂又想要征服宇宙

人类系咪唔再需要呢个地球